West Philipppine Sea tawag ngayon sa South China Sea

MANILA, Philippines - Upang igiit ang pag-angkin sa teritoryo ng Pi­li­pinas, tinawag nang Ma­ lacañang na West Phi­lippines Sea ang da­ting South China Sea.

Sinabi ni Presidential Spokesman Edwin La­ cierda, mas pinili ng gob­yerno na tawaging West Philippine Sea ang ilang parte ng South China Sea kung saan naroroon ang ilang isla na hindi naman kabilang sa disputed areas sa Spratly islands upang igiit ang pag-angkin ng gobyerno dito.

Wika pa ni Lacierda, naniniwala din si Pangu­long Benigno Aquino III na mareresolba ang usapin sa Spratly islands sa pa­mamagitan ng dip­lo­ma­tikong pamamaraan.

Inamin din ng Palasyo na wala pang formal na pag-uusap sa pagitan ng China at Pilipinas hinggil dito pero nakabukas ang komunikasyon ng gob­yerno para sa China habang patuloy naman ang ugnayan ng DFA at Chinese embassy hinggil ditto.