HK dismayado sa resulta ng review sa IIRC report

MANILA, Philippines - Dismayado umano ang pamahalaan ng Hong Kong sa ginawang pagpapababa ng ‘sentensya’ o charges sa mga opisyal na responsable sa paglala ng sitwasyon sa Aug. 23 hostage crisis na ikinasawi ng walong HK nationals sa Maynila.

Nabatid na umani umano ng pagbatikos mula sa mga mamamayan ng HK nang ihayag ni Pangulong Aquino ang pinal na report ng IIRC sa publiko kung saan nabago ang mga kasong kriminal na dapat isampa kay Manila Mayor Afredo Lim habang absuwelto sa kasong administratibo ang ilan pang mga opisyal.

Mahihirapan umano ang mga pamilya ng namatay sa hostage na tanggapin ang resulta ng review ng Malacanang sa IIRC report. 

Ayon naman sa Department of Foreign Affairs, nirerespeto nila ang sentimyento ng HK.

Nakatakda namang maglabas ng sariling findings ang HK kaugnay sa hostage.