Verzosa 'di sisibakin

MANILA, Philippines - Sa kabila ng sinasa­bing iringan, tiniyak kaha­pon ni National Police Commission (Napolcom) Chairman Ronaldo Puno na hindi sisibakin ni Pangulong Arroyo si Philippine National Police (PNP) chief, Director General Jesus Versoza.

Ito ang inihayag ni Puno sa oath-taking cere­mony nina bagong Napol­com commissioners Ale­jan­dro Urro at Constancia de Guzman.  Kasama ni Puno si Verzosa sa natu­rang okasyon kahapon.

“Itaga ninyo sa bato, hindi maaalis si Verzosa sa pagiging Chief PNP,” pag­tiyak pa ni Puno ka­sabay ng pagtanggi na may mala­lim na hinanakit ang Pa­ngulo sa hepe ng pam­bansang pulisya. 

Hanggang Disyembre pa ngayong taon ang termino ni Versoza kung saan inaasahang magsi­sil­bi pa rin ito sa bagong Pa­ngulo ng bansa na maha­halal sa Mayo.

Kabaligtaran naman ni Verzosa, tiniyak ni Puno na lilisanin niya ang puwesto sa Napol­ com at bilang kalihim ng DILG sa pagpa­palit ng pamunuan ng bansa. (Danilo Garcia)