Bahay ng solon binomba

MANILA, Philippines - Niyanig ng malakas na pagsabog ang taha­nan ni Maguindanao Congressman Dida­gen Dila­ngalen nang hagi­san ito ng bomba ng hindi pa nakilalang mga kalala­kihan na lulan ng motor­siklo sa Cotabato City kama­kalawa ng gabi.

Naganap ang insi­dente kahit nasa ilalim pa rin ng state of emergency ang Cotabato City na bunsod ng ma­lagim na pagmasaker sa may 57 katao sa Maguinda­nao noong Nobyembre 23.

Bukod sa Cotabato City, kasabay na ipina­ilalim sa state of emergency ang Maguinda­nao at Sultan Kudarat.

Sinabi ni Cotabato City Police Director Sr. Supt. Willie Dangane na naganap ang insi­dente dakong alas-6:26 ng gabi sa taha­nan ni Di­ lan­galen sa Shariff Kabun­suan District, Rosary Heights sa nasabing lungsod.

Ang sumabog na bom­­ba, ayon sa opis­ yal, ay isang uri ng Improvised Explosive Device.

Bago ito ay nakita pa uma­nong kahina-hina­lang nagpabalik-balik ang mo­torsiklong sina­sakyan ng mga suspek sa nasabing lugar.

Sa lakas ng pag­sa­bog ay nawasak ang binta­nang salamin at pader ng mansion ni Di­langalen bagaman wa­lang naiulat na na­suga­tan at nasawi sa insi­den­te, kamag-anak uma­no ng mga Ampatuan si Dilangalen.

Ayon kay Dangane, may lead na ang pulisya sa mga suspek na res­ponsa­ble sa pagpapa­sabog.

Nabatid na kara­ra­ting lamang ng kon­gre­sista mula Davao City dahil sa pagpapa­ga­mot sa maysa­kit nitong ina nang madat­nan ang sumabog na ba­hagi ng kaniyang tahanan.