Libong OFW na nasa iba't ibang piitan, pinatututukan sa DFA

MANILA, Philippines - Hiniling kahapon sa Department of Foreign Affairs ng isang grupo na tumutulong sa mga nagi­gipit na Pilipino sa iba­yong-dagat na imbentar­yuhin ang libu-libong overseas Filipino workers na nagdurusa sa kulu­ngan sa iba’t ibang sulok ng mundo upang mating­nan ang kanilang kalaga­yan at matiyak na mabi­big­yan sila ng proteksyon ng pamahalaan.

Ginawa ng Blas F. Ople Center ang panawa­gan ma­ tapos na isa na namang OFW ang naku­long sa Sau­di Arabia dahil sa ka­song pagdadala ng ilegal na dro­ ga nang wa­lang na­ga­nap na anu­mang court ruling.

Ayon kay Susan Ople, pangulo ng Blas F. Ople Center, ang kaso ng na­sabing Pilipino ay ang ikalawang iniulat nila matapos ang pagkaka­kulong ng OFW na si Jo­nathan “Jojo” Bigas ng may 16 na buwan.

Bukod kay Bigas, hu­mingi din ng tulong sa center ang isa pang mang­gagawang Pilipino na si Jason Pineda, 36, para mabigyan siya ng abogado nang makulong ng isang taon at siyam na buwan dahil din sa drug-related charge nang hindi man lamang nasesentensya­han. (Ellen Fernando)