NABCOR prexy, 5 pa inasunto

MANILA, Philippines - Sinampahan ng isang ne­ gosyante ng kasong paglabag sa anti-graft and corrupt practices act sa Office of the Ombudsman ang pangulo ng government-owned National Agribusi­ness Corp. (NABCOR) ka­sama ang limang opisyal ng Bids and Awards Co­mittee (BAC) nito kaugnay ng planong pagbili ng ice ma­king machines na nag­ka­kahalaga ng P456 milyon.

Ayon kay Allan Ragasa ng 1937-A Leveriza St., Pasay City, bibilhin ng NABCOR sa Integrated Refrigeration Systems and Services, Inc. (IRSSI) sa ha­ lagang P4,649,183.67 bawat isa ang 98 units ng ice-making machines ga­yong mabibili lamang ito sa local at international sa ha­lagang P2.3 million per unit.

Ang mga kinasuhan ay sina Allan Javellana, presi­dente ng NABCOR; Ro­mulo Relevo, chairman ng BAC at mga miyembrong sina Dennis Lozada; Winston Azucena; Melody de Guzman at Encarnita-Cristina Munsod.

Isang linggo bago ang bidding, sinabi ni Ragasa na nagulat ang bidders nang maglabas ng supplemental bid bulletin ang BAC na nagre-require sa lahat ng bidders na magsumite ng toxicology test result, hindi sa makina, kundi sa al­cohol solution para mati­yak kung pasado o ligtas ang mga marine products kapag nai-frozen sa pro­duk­tong ini­ lalako ng bidders.

Sumunod sa proseso ang mga bidders ngunit pag­ karaan pa ng dalawang linggo bago makuha ang re­sulta ng eksaminasyon. Gaya ng inaasahan, nabigo ang maraming bidders, maliban sa IRSSI na naka­pagtatakang mayroon na agad dokumento ng “toxicology result”.

Anya, ang pag-aaward ng project sa IRSSI ay ma­aari umanong ikalugi ng gob­yerno. (Butch Quejada)