Erap may senatorial line-up na

MANILA, Philippines - Bagaman at hindi pa kumpleto, inihayag kaha­pon ni dating Pangulong Joseph Estrada ang pa­ngalan ng ilan sa mga napipisil niyang isasama sa kanyang ticket sa senatorial elections sa susunod na taon kung saan sinigurado niyang tatakbo siyang presi­dente.

Nangunguna sa lis­tahan ang kanyang anak na si Senator Jose “Jing­goy” Estrada na number one sa pinakahuling survey ng Pulse Asia sa pagka-senador, Senate President Juan Ponce Enrile, at Brig. Gen. Danny Lim.

Ikinokonsidera rin ng oposisyon ang anak ni da­ting action star Fer­nando Poe Jr., na si Grace Poe, Joey de Ve­necia, Ted Failon, Edu Manzano, Bayan Muna Partylist Rep. Teddy Casino at Makati City Rep. Teddy “Boy” Locsin.

Tumanggi naman si Estrada na pangalanan kung sino ang ikinokon­sidera niyang maging running mate.

Nauna nang sinabi ni Jinggoy na imposibleng siya ang maging running mate ng kanyang ama kapag tumakbo na ito sa presidential elections.  (Malou Escudero)