Pagpapalaya kay Smith idinepensa ng Court of Appeals

MANILA, Philippines – Ipinagtanggol ng mga babaeng mahistrado ng Court of Appeals ang kani­ lang desisyon na nagdismis sa kasong panggagahasa laban sa sundalong Amer­ka­nong si Lance Corporal Daniel Smith.

Ayon kay CA Associate Justice Monina Arevalo-Zenarosa, ipinag­mamalaki niya ang naging desisyon nila dahil pinagbasehan nila ang nakasaad sa batas, ang mga detalye ng kaso at kanilang konsiyensa at wala na silang maaring idagdag pa dito.

Idinagdag pa ni Justice Zenarosa na madali naman unawain kung bakit nila pinawalang sala si Smith dahil nakapaloob naman ang detalye nito sa kanilang desisyon.

Si Zenarosa ang sumu­lat sa desisyon kasama din si Associate Justice Myrna Dimaranan-Vidal na mi­yem­bro ng Special Eleventh Division at Associate Justice Remedios Salazar na chariman ng divison.

Ayon sa desisyon ng CA, walang naganap na pa­mumuwersa o panana­kot na naganap sa uma­no’y panggagahasa ni Smith sa Pilipinang si Suzette Ni­colas sa Subic noong 2005. Bago lu­ma­bas ang desis­yon, binawi ni Nicolas ang kanyang reklamo sa pagsa­sabing hindi siya sigura­dong ginahasa siya ni Smith dahil lasing siya nang mga oras na iyon. 

Ginawa ng mga mahis­trado ang pahayag dahil sa mga pagbatikos sa kanila ng mga militanteng grupo at ibang sektor dahil sa pag­papalaya nila kay Smith. (Gemma Garcia)