Oposisyon may 7 kandidato sa pagka-presidente sa 2010

Pinabubuo na ni Senate Minority Leader Aqui­lino Pimentel Jr. ang opo­sisyon ng isang ‘formula’ kung paano ito hindi ma­hahati sa 2010 presidential elections dahil pito ang pumoporma na umanong tatakbong presidente ng bansa.

Ayon kay Pimentel, ang kabiguan ng minorya na magkaisa ang magiging daan upang manalo ang mga kandidato ng admi­nistrasyon dahil sigura­dong mahahati na naman ang boto lalo na sa pagka-presidente ng bansa.

Ayon kay Pimentel, kabilang sa mga maraming aspirante sa pagka-pre­sidente sa hanay ng opo­sisyon ay sina Senators Manuel Villar, Loren Legar­da, Mar Roxas, Panfilo Lacson at Francis Escu­dero at Makati City Mayor Jejomar Binay. Bukod pa umano rito si dating Pa­ngulong Joseph Estrada na nagbanta nang tatakbo kung walang magiging common standard bearer ang kanilang grupo.

Sabi ni Pimentel, hindi makukuha ng oposisyon ang Malacanang kung magpapatuloy na watak-watak ang mga miyembro at lider nito na posibleng magkanya-kanya na la­mang kung hindi magbibi­gayan sa halalan sa susu­nod na taon.

Dapat na anyang ikon­si­dera ng oposisyon ang pagpapatawag ng isang national convention upang mapagdesisyunan kung sino ang ilalagay sa presidential, vice presidential at senatorial slots.

Ayon naman sa ilang po­ litical observers, posib­leng si Vice President Noli de Cas­tro ang maging presidential candidate ng adminis­trasyon. (Malou Escudero)