4 naglalaban sa pagka-PAF Chief

Apat na contenders ang mahigpit na nag­lalaban sa puwesto ka­ugnay ng napipintong pagreretiro ni outgoing Philippine Air Force (PAF) Chief Lt. Gen. Pedrito Cadungog.

Ayon sa military sources, kabilang sa mga pinagpipilian ang dalawang mistah ni AFP Chief of Staff Lt. Gen. Alexander Yano sa Philippine Military Academy (PMA) Class ‘ 76 na sina Major Gen. Hernanie Perez, Chief ng 3rd Air Division na nakabase sa Zam­ boanga City at Major Gen. Nathaniel Le­gaspi, hepe ng 2nd Air Division na nakabase sa Mactan, Cebu.

Ang dalawa pang contender ay sina Major Gen. Rolando Ca­pacia, nagtapos sa Flying School, hepe ng Air Education and Training Command at Major Gen. Oscar Rabena ng PMA Class 78, hepe naman ng J5 (AFP Mo­dernization).

Si Cadungog ay mag­­reretiro sa darating na Enero 9 na napaaga dahil ang ika–56 nitong kaara­wan ay natapat sa araw ng Linggo (Enero 11).

Ang mga combat plane ng 3rd Air Division na nasa huris­ dik­syon ni Perez ay pa­ngunahing isinasabak laban sa Abu Sayyaf at MILF sa Western Min­danao.

Samantala si PAF Vice Commander Major Gen. Rene Badilla ay hindi na kabilang sa mga contenders dahi­l wala ng isang taon ang itatagal nito sa ser­bisyo.

Kaugnay nito, sinabi ni Cadungog na wala siyang bet sa mga contenders dahil pawang kuwalipikado ang nasa­bing mga opisyal para humalili sa kaniya sa puwesto. (Joy Cantos)