Pabahay sa 100,000 jeepney drivers

Magkakaroon na ng sariling tahanan ang may 100,000 mga lehitimong drivers ng mga pampa­saherong jeep matapos na magpahayag ang isang non-governmental organization (NGO) ng kahandaang bigyan ang mga ito ng sariling ba­ hay at lupa sa buong bansa.

Ang itatayong bahay ay ipagkakaloob ng Ga­wad Kalinga Foundation na kabilang sa pinaka­ma­laking transport groups sa bansa na 1 UTAK.

Sinabi ni Tony Meloto, chairman ng Gawad Ka­linga, na ang itatayong Drivers Village Cooperative Project ay magsisil­bing tulong sa mga ma­hihirap na drivers sa bansa upang makaahon sa kahirapan at mag­karoon ng sariling matiti­rahan.

Sa nilagdaang memorandum of agreement (MOA) sa pagitan ng Ga­wad Kalingan at ng 1 UTAK sa pangunguna ni Atty. Vigor Mendoza, 300 drivers ang inisyal na ma­pagkakalooban ng sari­ling bahay na itatayo sa Pinu­gay, Antipolo, Rizal.

Sinabi ni Mendoza na target ng nasabing pro­yekto na makapagpatayo ng may 100,000 mga ba­hay para sa sektor ng transportasyon sa loob ng dalawang taon.

Prayoridad ng nasa­bing benepisyo ang mga driver na  ang ruta ay ma­lapit din sa lugar ng pa­bahay upang hindi na maging mahirap sa mga ito ang lugar na uuwian.