Jamby namumuro sa kalaboso

Malamang na kulu­ ngan umano ang kaba­bagsakan ni Sen. Con­suelo “Jamby” Madrigal kung patuloy nitong iis­nabin ang isinasa­gawang preliminary investigation ng korte hinggil sa kasong isinampa laban sa kanya ng dating abogado ni First Gentleman Jose Mi­guel Arroyo.

Kahapon ay hindi pa rin nagpakita si Madrigal sa Pasay City Prosecutors Office para sa ikalawang preliminary investigation kaug­nay sa pagpalsipika umano niya ng orihinal na doku­men­to ng liham na may na­ka­lagay na “copy for FG-1” sa kasagsagan ng ZTE Senate inquiry laban kay FG.

Sa reklamo ni Atty. Jesus Santos, dating abogado ni FG, sadya umanong pinali­tan ni Madrigal ng FG-1F ang orihinal na kopyang FGI/IPIS upang palabasin na sa Unang Ginoo dapat ma­punta ang kopya.

Sinasabing ang natu­rang kopya ay nakalaan kay Florante G. Igtiban ng NEDA at hindi para kay First Gentleman Arroyo. (Rose Tamayo-Tesoro)