P34-M sa ulo ng JI at ASG leaders

Umaabot na sa P34 milyong halaga ang ini­lalaang reward ng pa­mahalaan para sa si­numang makapag­bi­bigay ng impormasyon upang madakip ang 12  lider ng Jemaah Isla­miyah terrorist at Abu Sayyaf Group na sang­kot sa paghaha­sik ng terorismo sa bansa.

Sa tala ng PNP at AFP, kabilang sa mga tinutugis ay  sina J.I. bomb experts Omar Patek at Ammar Us­man, alyas Dulmatin; pa­wang mastermind sa Bali bombing sa Indonesia na ku­mitil ng buhay ng 202 katao noong Oktubre 12, 2002.

Ang mga ito ay nagsi­ pag­tago sa bansa at sina­sabing kinakan­long ng mga bandidong Abu Say­yaf matapos ang mga itong tuma­kas sa Indonesia at mag­tago sa rehiyon ng Min­danao.

Una nang napaulat na napaslang sa eng­kwentro si Dulmatin subalit hindi pa rin ma­kumpirma kung sa kanya ang narekober na naagnas na bang­kay.

Ilan pa sa mga wanted terrorist ay sina Zulkifli Bin Hir, isa ring JI member na may patong sa ulo na P5 milyon; Ahmad Akmad Batabol Usman, alyas Basit Usman, isang ASG bomber na may patong sa ulo na P3 milyon; at Jabid Abdul, isa pang ASG bom­ber na may P2 mil­yong reward. (Joy Cantos)