Presyo ng petrolyo taas uli

Ginulat ng tatlong hi­ ganteng kompanya ng la­ngis ang mga motorista ma­tapos itaas ng .50 sentimos kada litro ang presyo ng kanilang produktong petrol­yo sa unang araw pa lang ng buwan.

Dakong alas 12:01 ng ma­daling araw kahapon ng simulan ng Pilipinas Shell ang price adjustment ng ka­nilang diesel, kerosene at ga­soline na agad namang sinundan ng Chevron at Caltex dakong alas-6 ng umaga.

Ang panibagong oil price hike bunsod umano ng pagtaas ng presyo nito sa world market na uma­abot na sa mahigit $100 kada bariles.

Kinakailangan na uma­no nila itong ipasa sa mo­torista dahil hindi na umano ito kayang balikatin ng kanilang kompanya.

Sa kasalukuyan ay naglalaro na ang presyo ng diesel sa mahigit P37 ha­bang mula P46.03 hang­gang P46.35 naman sa presyo ng gasoline.

Inaasahan namang susunod din ang independent oil players sa pagta­taas sa parehong halaga.

Samantala hindi naman ginalaw ng mga kompanya ng langis ang presyo ng pro­ duktong LPG dahil sa nga­yon ay bumababa ang pres­yo nito sa world market at ka­tunayan nito ay ang P2 roll­back sa presyo nito lang nakaraang buwan. (Edwin Balasa)