Federal-presidential system isusulong

Balak isulong ni Senate Minority Leader Aqui­lino Pimentel Jr. ang pagpapalit ng por­ma ng gobyerno upang maging federal-presidential system.

Ayon kay Pimentel, isang joint congressional resolution ang ihahain niya sa pagba­balik ng sesyon ng Se­nado upang maging federal ang buong bansa kabilang na ang Bangsa Moro federal state.

Naniniwala ang se­nador na papabor ang lahat ng mga taga-Min­danao sa Bangsa Moro federal state kung saan magkakaroon sila ng autonomy.

Ipinaliwanag ng se­na­dor na sa ilalim ng fe­deral system, ang mas­yadong konsentrasyon ng kapangyarihan sa central government ay maiiwasan at malilipat ito sa mga federal states.

Ayon kay Pimentel, masyado nang napag-iiwanan sa pag-unlad ang mga malalayong probinsiya dahil mas napagtutuunan ng pan­sin ang mga siyudad sa Metro Manila at mga karating lalawigan.

Pero nilinaw nito na sakaling magtagumpay ang pagsusulong niya ng federal-presidential system, tuloy pa rin ang elek­siyon sa 2010 dahil hindi naman iaabolish ang pre­sidency. (Malou Escudero)