Sen. Angara inambus

Pinaulanan ng bala ng mga hinihinalang New People’s Army (NPA) ang convoy ni Sen. Edgardo Angara kahapon sa Di­na­lu­ngan, Aurora.

“Senator Angara was safe, advance party from the Army forces na nagse-secure dun sa route yung pinaulanan ng bala ng mga rebelde,” pahayag ni AFP-Northern Luzon Com­mand Chief Lt. Gen. Rodrigo Maclang sa isang phone interview.

Naganap ang insi­dente sa bisinidad ng Brgy. Nipoo, Dinalu­ngan bandang ala-una ng ha­pon. Habang nag­sasa­gawa ng route security sa daraanan ng convoy ni Angara ay pinaulanan ng bala ng hindi pa mabilang na armadong mga rebel­de ang tropa nito.

Mabilis namang gu­manti ng putok ang mga sundalo hang­gang sa tuluyang ma­itaboy ang umatakeng mga rebelde. Sinabi ng opis­yal na ang nasu­gatang sundalo ay driver ng isang Army truck na nabasag ang windshield matapos paulanan ng bala ng mga rebelde ang route security ng sena­dor.

Nagtungo sa lugar si Angara para mag­lunsad ng mga proyek­tong pang-agrikultura na binansa­gang Center for Coconut Production and Research sa kaniyang mga kababa­yan ng ma­ga­nap ang pag-atake.  

Sa naunang interview kay Sen. Angara ay si­nabi nitong wala nang peligro sa kan­yang bu­hay mata­pos ang sina­sabing tang­kang pana­nambang su­balit ban­dang alas-3 ng hapon ng muling ma-interview ang se­nador ay mabilis na itinanggi nito ang pang­yayari.

“That’s complete lie. Ka­lokohan yan. Wa­lang ambush na nang­yari,” wika na­man ni Angara sa pana­yam ng Pilipino Star Ngayon.

Ayon naman kay Aurora police director Sr. Supt. Romeo Teo­pe, mga NPA ang nasa likod ng pananambang.

Bunga ng insidente, sinabi ni Maclang na inabisuhan ng Commanding Officer ng 69th IB si An­gara na huwag ng tu­muloy sanhi ng nangya­ring bak­ bakan sa lugar. Iniutos na­man agad ni Cen­tral Luzon police director Errol Pan na bigyan ng karagdang se­guridad si Angara.

Sa naunang interview pa rin kay Angara, sinabi nitong wala siyang alam na pupu­wedeng suspek at ito umano ang unang pag­ta­tangka sa kanyang buhay.

“But whoever did this, ginagalit lamang nila ang taumbayan,” paliwanag pa ni An­gara. 

Pinaniniwalaan na­mang may mga nasu­ga­ tan rin sa panig ng uma­takeng mga re­belde. 

Naglunsad na ng hot pursuit operations ang militar laban sa mga rebel­ de.