GMA abswelto sa writ of amparo
Inabswelto ng Court of Appeals si Pangulong Arroyo sa nakabinbing kaso ng writ of amparo.
Iginiit kahapon ng Appellate Court na hindi maaring idawit ang Pangulo sa nabanggit na petition for writ of amparo dahil makakaabala lamang ito kay Arroyo, bilang Punong Ehekutibo na pinakamabigat na tungkulin at gawain.
Kabilang sa respondents si Pang. Arroyo nang maghain ng petisyon ang urban leader na si Lourdes Rubrico chairperson ng Ugnayan ng Maralita (UMAGA), at mga anak na sina Jean Aprouebo at Mary Joy Carbone kung saan hiniling ng mga ito na atasan ng korte ang mga mataaas na pinuno ng military at kapulisan na itigil ang mga pagbabanta sa kanilang buhay.
Sa inilabas na resolusyon na ipinonente ni CA Associate Justice Edgardo Cruz, kinatigan nito ang mosyon ng Office of the Solicitor General (OSG) na humihiling na alisin si Pangulong Arroyo sa respondents.
Anang SC, hindi naman umano napatunayan na may kinalaman si PGMA sa mga akusasyon ng pamilya Rubrico. (Ludy Bermudo)
- Latest
- Trending
