China inaamo ng Pinas sa NBN deal

Muli umanong sinusuyo ng pamahalaan ang Chinese government matapos na pansamantalang isus­ pinde ang maanomalyang kontrata para sa National Broadband Network (NBN) project. Sinabi ni Justice Acting secretary Agnes Devana­dera, nagtala na ang Pa­ngu­long Arroyo ng mga opisyal ng gobyerno na makikipag-usap sa ZTE Corporation upang ipali­wanag kung bakit kaila­ngang suspendihin ang kontrata.

Ang nasabing hak­ bang umano ay upang hindi magtampo ang Chinese government sa Pilipinas at hindi ma­apektuhan ang ugnayan ng bansa sa mga Chinese investors.

Iginiit ni Devanadera na kahit na wala siyang naki­kitang anomalya sa kontra­ta tulad ng igi­ nigiit ng iba, mas mabuti uma­nong sus­pendihin ang implementas­yon nito ha­bang nakabinbin pa ang kaso sa Korte Suprema.

Ipinapaubaya na la­ mang umano ng Malaca­ñang sa Korte ang pag­tukoy kung maituturing bang balido o hindi ang nasabing proyekto.

Bukod dito, makaka­iwas na rin umano sa pag­dududa ang desisyon ni Pangulong Arroyo na suspendihin na lang muna ang kontrata lalo pa at inuulan ito ng batikos.

Nilinaw pa ni Deva­nadera na sa ngayon ay nakikipag-usap na ang mga opisyal ng pamahalaan sa mga kinatawan ng ZTE upang ipaliwanag ang mga pangyayari.

Maghahain na rin umano sila ng komento sa Korte  bilang tugon sa mag­kakahiwalay na petisyon ni Iloilo Gov. Rolex Suplico at ng Amsterdam Holdings Inc. na kapwa kumukuwes­tiyon sa pagiging balido ng NBN contract. (Gemma Amargo-Garcia)