AFP men palayasin sa Maynila

Hiniling kahapon ng Bayan Muna sa Supreme Court na atasan ang Armed Forces of the Philippines na paalisin ang nakakalat nitong mga sundalo sa Metro Manila.

Sa inihaing urgent petition for certiorari with mandamus ni Bayan-Muna general counsel Neri Javier Colmenares, iginiit nitong kinakailangang paalisin ang military troops sa Metro Manila dahil ginagamit itong instrumento laban sa mga grupong kritikal sa Arroyo government.

Sa kanilang petisyon, sinabi ng Partylist group na ang AFP ay nagsisilbi na lamang protektor ng iilang tao at ginagamit din ng mga pulitiko bilang instrumento para siraan ang ilang grupo na kritikal sa administrasyon. (Rudy Andal)