PMAP suportado ni Loi

Nagdeklara ng suporta si Sen. Luisa "Loi" Ejercito Estrada sa mga nominado ng partylist na People’s Movement Against Poverty sa isang bukas na liham para sa tatlong milyong miyembro ng Mare Foundation.

"Ang pagkatawan sa PMAP sa Kongreso ay mangangahulugan ng tunay na human development," sinabi ng senadora sa mga tagasuporta.

Ang PMAP bilang isang people’s organization ay aktibo sa paglaban sa kahirapan sa pamamagitan ng pagkatawan sa mga marginalized sa mga mahihirap na komunidad sa buong bansa.

"Malaki pong tulong ang makukuha ng representasyon ng PMAP dahil ang kanilang ipinaglalaban ay tumutugon sa ating mga adhikaing maisulong ang isang makataong pag-unlad," pagtatapos ni Estrada.

Ipinanawagan din ni Estrada, na matatapos na ang termino bilang senador, na suportahan ang mga kandidato ng Genuine Oposition (GO).