Bar topnotcher, galing sa Cordillera Region

Nanguna ang law student mula sa Cordillera Region sa 1,893 law graduates na pumasa sa 2006 Bar Exams sa resultang inilabas ng Supreme Court kagabi.

Topnotcher si Noel Malimban ng University of the Cordilleras (UC) na nakakuha ng 87.6 percent habang 2nd placer si Debora Acosta ng University of the Philippines (UP) na nakakuha ng 87.4 percent.

Third placer si Erika Jimenez, 86.6%; Maria Teresa Carlos, 86.1% na parehong mula sa Ateneo de Manila University; 5th placer si Gina Rubio ng Far Eastern University (FEU), 85.75 percent.

Ang iba pang nasa top ten ay sina Ann Julie Tan (85.70%) ng Dr. Vicente Orestes Romualdez Educational Center; Karen Gaviola (85.68%) ng University of San Carlos; Al Shawid Ishmael ( 85.65%) ng University of Cebu; Timothy Mendoza (85.55) ng UP at Alain Deloso ng UP (85.05%).

Umabot lamang sa 1,893 law graduates o 30.6 percent mula sa 6,187 na examinees ang nakapasa sa bar. (Rudy Andal)