Trabaho alok ng Job fair ng 5th Pamilyang OFWs-SMEs Expo

Libu-libong trabaho sa abroad at sa bansa ang naghihintay sa mga kuwalipikadong aplikante na bibisita sa Job Fair ng "5th Pamilyang Overseas Filipino Workers-Small and Medium Entrepreneurs Expo" na kasalukuyang ginaganap sa Expo Centro (katabi ng Farmers Garden at sa harap ng Farmer’s Market) EDSA, Araneta Center, Cubao, Quezon City.

Ang job fair ay inorganisa ng pamilyang OFW-SME Network Foundation Inc. (912-5803) sa pakikipagtulungan sa POEA, Public Employment Service Office-QC at Philippine Association of Service Exporters Inc. (PASEI). Sinabi ni PASEI president Victor Fernandez Jr. na ang ilan sa mga bakanteng trabaho mula sa mga recruitment agencies ng PASEI na lisensiyado ng POEA ay medical staff, Information Technology professionals, hotel workers, maintenance, construction, domestic helpers, skilled at technical workers at service workers.Walang entrance, application at registration fees sa apat-na-araw na job fair na magtatapos ngayong Linggo.