Nachura itinalaga bilang chief legal counsel

Hinirang ni Pangulong Arroyo si dating Western Samar Rep. Eduardo Nachura bilang Presidential chief legal counsel.

Si Nachura ang pumalit kay dating Chief legal counsel Merceditas Gutierrez na itinalaga namang Ombudsman.

Umapela naman ang Palasyo sa mga kritiko nito na bigyan muna ng pagkakataon ang bagong hinirang na miyembro ng Gabinete ni Pangulong Arroyo bago ito husgahan.

Naunang itinalaga ni PGMA sina Antipolo Rep. Ronaldo Puno bilang DILG chief, Camarines Sur Rep. Rolando Andaya bilang budget secretary, habang inilipat naman sa DENR si dating DILG Sec. Angelo Reyes at ibinalik sa NEDA si dating Budget Sec. Romulo Neri. (Lilia Tolentino)