LRTA kontrolado ng 'Waray-waray'

Demoralisado na ang may 1,600 empleyado ng Light Rail Transit Authority (LRTA) dahil sa paghahari-harian umano ng ‘Waray-Waray Gang’ na nagdidikta sa lahat ng patakaran na pinaiiral ni administrator Melchor Robles.

Ayon kay Dominique Cabigting, LRT 2 Asst. Chief, bukod sa pamamayani ng mga miyembro ng El Shaddai, naghahari-harian din umano ang mga Waray na lalo pang nagpapagulo sa sistemang umiiral sa tanggapan. Tinukoy ni Cabigting ang mga Waray sa LRTA na sina Robles, DOTC asst. secretary Robert Castanares, Line 2 administrative manager Aurora San Juan at isang Dan Palami na financier ni Robles.

"Ang problema sa LRTA, daig pa ang EDSA 1, 2 at 3. Napakaraming grupo ang gustong magpatakbo kung kaya’t nalilito na ang mga empleyado kung sino ang susundin," ani Cabigting. (Ulat ni Doris Franche)