PGMA sabak sa trabaho kahit may sakit

Kahit may karamdaman, pinilit pa ring magtrabaho ni Pangulong Arroyo upang harapin ang kanyang gawain sa Malacañang.

Ang Pangulo ay dapat umalis kahapon patungong Hong Kong para sa isang pakikipagpulong sa mga negosyante doon, pero kinansela ang biyahe matapos siyang payuhan ng kanyang doktor na magpahinga at huwag munang lumabas sa loob ng 48-oras.

May lagnat ang Presidente dahil sa ubo at sipon, subalit sa halip na magpahinga ay pinangunahan nito ang pagprisinta sa media ng nailigtas na kidnap victim na Tsinoy na si Dominga Chu, 67, na nabawi sa kamay ng mga abductors nito kahapon ng umaga. (Ulat nina Lilia Tolentino/Ely Saludar)