Extension kay Cimatu, inirekomenda

Inirekomenda kahapon ni Senator Ramon Magsaysay Jr. ang pagkakaloob ng extension kay Gen. Roy Cimatu bilang AFP Chief of Staff matapos makumpirma ito ng Commission on Appointments (CA) kahapon para sa kanyang ranggong 4-star general.

Sinabi ni Sen. Magsaysay, chairman ng Senate committee on national defense and security, dapat palawigin pa ni Pangulong Arroyo ang pagtatalaga kay Cimatu bilang AFP chief dahil hindi dapat alisin ang isang heneral sa gitna ng labanan lalo pa at ngayon lamang ito nakumpirma ng CA," wika ni Magsaysay.

Si Cimatu ay nakatakdang magretiro sa darating na Setyembre 4.

Samantala, nakumprima din sa wakas ng CA si Environment Secretary Heherson Alvarez matapos 7 ulit na ma- by pass ng CA. (Ulat ni Rudy Andal)