NAMFREL, aprub sa Comelec

Pangungunahan ng National Movement for Free Election (Namfrel) ang pagsasagawa ng operation quick count (OQC) habang aalalay lamang ang National Press Club sa darating na halalan sa Mayo 14.

Ito ang ipinahayag ni Commission on Election Chairman Alfredo Benipayo sa naganap na pagpupulong ng Philippine Bar Association (PBA) sa Hotel Intercontinental sa Makati City kahapon ng umaga.

Idineklara ni Benipayo sa nasabing pulong na panghahawakan ng Namfrel ang 6th copy ng election returns; 4th copy of canvass at isang kopya ng precint tally form na pirmado ng board of election inspectors habang ang NPC ang hahawak ng 7th copy ng certificate of votes.

Sinabi ni Benipayo na minarapat ng kanilang komisyon na bigyan ng accreditation ang Namfrel dahil sa naging mga track records nito, partikular na sa logistics. (Ulat ni Jhay Mejias)