Maagang ruling kay Erap hiningi

Personal na hiniling kahapon ni senatorial candidate Franklin Drilon sa Supreme Court na tiyakin na lalabas sa Marso 13 ang resolusyon nito sa petisyon ni dating Pangulong Joseph Estrada na kumukuwestyon sa legalidad ng panunungkulan ni Pangulong Gloria Macapagal-Arroyo sa puwesto.

Nakipagkita si Drilon kina Associate Justices Reynato Puno, Santiago Kapunan at Joshue Bellosillo para matiyak ang desisyon sa naturang kaso.

Sinabi ni Drilon na mas makakabuting maipalabas ang resolusyon sa naturang petsa para dagliang malutas ang suliranin sa panguluhan. (Ulat ni Grace Amargo)