Sabwatan ng oposisyon at taga-usig binira ni Erap

Iginiit kahapon ni Pangulong Joseph Estrada na nagsasabwatan umano ang mga oposisyon, prosecutor at Makati Business Club para idiin siya sa paglilitis ng Senado sa kanyang kasong impeachment.

Sa kanyang talumpati sa paglulunsad ng proyektong "Bigas para sa Masa" sa Caloocan City, inihalimbawa ng Pangulo na kabilang sa tumutulong sa mga prosecutor ang Romulo-Mabanta Law Office na isa sa may-ari ay ang presidente ng Makati Business Club at tagapangulo ng Equitable-PCI Bank na si Atty. Ricardo Romulo na isa sa aktibo sa mga organisasyong nananawagan sa kanyang pabibitiw sa puwesto. (Ulat ni Ely Saludar)