Game 3 sa NBA Finals: Irving midasig sa iyang mga kauban, Mavs nagpangagot moresbak
CEBU, Philippines — Si All-Star guard Kyrie Irving midasig sa iyang mga katropa sa Dallas Mavericks gamit ang kaugalingon niyang kasinatian uban sa Cleveland Cavaliers niadtong 2016 NBA Finals.
Alkansi man tuod sila karon sa baraha nga 2-0 batok sa Boston Celtics sa nagpadayong NBA Finals apan duna pay dakong paglaum ang Mavs.
Alang ni Irving, pamilyar kaayo ang sitwasyon kay mao sab kini ang nahitabo kaniya sul-ot ang uniporme sa Cavs walo ka tuig na ka tuig ang milabay. Niadtong tungora, si Irving ug ang Cavs nabiyaan sab og 2-0 sa dominanteng Golden State Warriors apan milusad sila og dalaygong pagbalitok aron dag-on ang serye sa baraha, 4-3.
Mao sab kini ang buot mahitabo ni Irving sa Mavs.
"It took a lot of will to win in 2016," padayag pa ni Irving. "We had time to fail together. We had time to go through our trials together. We lost in 2015. A lot of guys came back in 2016 and we won. So there was an inner motivation there. We also knew who we were going against, how well they played."
Kon unsa ka determinado ang Mavs sa ilang tinguha masukod sa ilang pag-host sa Celtics sa Game 3 sa ilang best-of-seven series karong alas 8:30 sa buntag (oras dinhi sa Pilipinas) didto sa American Airlines Center sa Dallas, Texas.
- Latest
