“No Mercy” Gesta nahatagan og bag-ong paglaum
CEBU, Philippines — Wala pakyasa sa Mandauehanong boksidor nga si Mercito “No Mercy” Gesta ang mga fans sa dihang gipagngan niya og palaum ang tinguha ni Joseph Diaz Jr. nga makabawi sa iyang sagunsong tulo ka mga nanglabay nga kapildihan atol sa ilang sangka didto sa Walter Pyramid sa California State University-Long Beach niadtong Sabado sa gabii.
Parehong mipakita og labok ang duha sa 10-round main event gipasiugdahan sa Golden Boy Promotions, bisan ang mga hurado naglisod sa paghatag sa iskor kun kinsa sa duha ang pilion apan sa pagbagting sa pagtapos sa sangka, nigawas nga si Gesta maoy nakakuha og split decision gikan sa mga hurado. Silang Judge Pam Hayashida (97-93) nihatag sa duwa kang Diaz. Apan ang iyang scorecard gilabwan pabor nga Gesta nilang Judges Alejandro Rochin (99-91) ug Pat Russell (98-92) nga gihulagway sa mga odds makers nga “significant upset.”
“He gave me a hell of a fight. We gave the fans a good fight right here. I’m happy with the outcome. I’m a professional and a gentleman,” matud pang Gesta sa interbyu kaniya sa ,” matud Gesta DAZN sa report sa PhilBoxing.com. Ang southpaw nga si Gesta naa na magpuyo sa San Diego gikatakda untang atubangon si Ryan Garcia niadtong Enero, apan miatras si Garcia tungod kay gipili niyang atubangon si Gervonta Davis karong Abril 22 sa Las Vegas.
Ang main event unta niadtong Sabado mao ang light heavyweight nga sangka nilang Gilberto ‘Zurdo’ Ramirez (44-1, 30KOs) ug Gabriel Rosado, apan sobra sa timbang si Ramirez maong gikanselar kini, tungod sab niini, ang sangka nilang Gesta ug Diaz mao nga nidesisyon si Oscar dela Hoya ngahimuong main event nga naghatag og mas maayong oportunidad para sa Pinoy boxer.
Gawas pa niini, misaad si Dela Hoya nga ang mananaog tali nilang Gesta ug Diaz hatagan og oportunidad nga ikaatubang Golden Boy-promoted lightweight Floyd Schofield Jr. sa umaabot nga Davis-Garcia undercard sa sunod buwan.
Si Gesta kinsa kanhi professional kickboxer dinhi sa Pilipinas, bag-ohay palang nagkaanak sa iyang kapikas mihulagway nga usa kini ka dakong grasya ug oportunidad para sa iyang karera isip usa ka amahan ug boksidor.
Si Diaz natagak sa 32-4-1 (15KOs), ikatulo niya kini nga sagunson nga kapildihan ibabaw sa ring samtang si Gesta misaka sa 34-3-3 (17KOs).
Makaduha ka higayon nga misuway pagkuha og titulo si Gesta batok nilang IBF lightweight title holder Miguel Vazquez ug niadtong 2018 batok sa three-division ug kaniadto WBA lightweight titleholder Jorge Linares, apan pulos siya napakyas. Ang sunod niyang gikasangka natabla batok, nisulod dayon ang pandemiya nga nakapahunong sa pagabante sa iyang tinguha. Apan nibalik siya sa ring Abril sa miaging tuig batok ni Joel Diaz sa Golden Boy Fight Night card diin iyang nakuha ang unanimous decision sa ilang 10-round fight. Kaning wala damhang nahimong main event ang ilang sangka sa Golden Boy DAZN series niadtong Sabado nagpabalik sa paglaum ni Gesta nga makab-ot iyang pangandoy nga makaangkon og bakus.
“This win means a lot to me. I started a new chapter in my life. We just had a baby. It’s such a blessing… to be a father. I won this fight not just for myself but also for our newborn baby,” matud pa niini/
- Latest
