Tabal mosabwag sa iyang kaalam sa dagan sa Davao
CEBU, Philippines - Ang Cebuana Olympic marathoner nga si Mary Joy Tabal uban ang iyang coach nga si John Philip Duenas mosabwag sa ilang kaalam sa dagan didto sa Davao.
Ang Motor Ace Phils., nga maoy major corporate backer ni Tabal, maoy mipadala nila sa Davao agi’g pagsanong sa imbitasyon ni Airnel Abarra kabahin sa Blue Knights Track League Open karong Septiyembre 17.
Sa ilang pagtaak sa Davao karong adlawa, sila si Tabal ug Dueñas makighimamat sa mga kadagkuan sa Ateneo de Davao sa dili pa nila tagbuon ang mga atleta sa maong unibersidad.
Karong Sabado sa buntag, si Tabal maoy pinasidunggang dinapit ug mamumulong sa pagbukas sa Blue Knights Track League.
“I would like to share to the Davao athletes how I started and my experiences that eventually led me to the Olympics,” matud pa ni Tabal. (BANAT PALARO)
- Latest
