Silva napukan ni Weidman Filipino fighter Muñoz midaog
CEBU, Philippines - Daw nakurat ang tibuok kalibutan sa Mixed Martial Arts human wa damha nga mapukan ang giilang legend ug pound-for-pound king nga si Anderson Silva kinsa gipakatug sa second round sa wa kaayo mailhi nga si Chris Weidman kagahapon sa main event sa Ultimate Fighting Championship 162 didto sa Las Vegas.
Grabeng gipaboran si Silva nga mudaog human usab sa iyang 16-fight winning streak sa UFC, apan mihunong ang tibuok kalibutan sa makadiyot dihang wa damha nga malup-og siya dihang maigo sa kumo sa American challenger.
Pipila ka mga MMA fans ug analyst ang mibasul hinuon sa kakompiyansa ni Silva kinsa wa mirespeto sa iyang kontra ug nagpunay pag-abli sa iyang depensa.
Human maigo sa iyang hook, daling gikabay-an ni Weidman dayun sumbag si Silva kinsa wala na makarekober sa 1:18 sa second round.
Sa laing bahin, milampos usab ang Fil-American MMA fighter nga si Mark “The Filipino Wrecking Machine†Muñoz sa iyang comeback fight human siya midaog pinaagi sa unanimous batok ni American Tim Boetsch.
Si Muñoz migamit sa iyang talagsaong abilidad sa ground and pound ug wrestling aron lupigon sa puntos si Boetsch, 30-26, 30-27 ug 29-28.c (BANAT PALARO)
- Latest
