1,000 na kapin nagpalista sa 4th Cebu City Marathon

 CEBU, Philippines -  Kapin na sa 1,000 ka  running enthusiasts ang nagparehistro  sa  4th Cebu City Marathon (CCM) nga  mosikad karong Enero 13 didto sa Asiatown  I.T. Park sa barangay Apas, ning siyudad.

 Sama sa miaging edisyon, gawas sa 42K full marathon,  anaa gihapon sa lumba ang 21K half marathon ug 5K fun run.
 Usa ka libo na ang nagpalista sa 42K category, 800 sa 21K category, samtang 700 nagpalista sa 5K category.
 Gipaabot sa mga organizers nga mosaka pa ang numero sa  mga partisipante kay  bukas pa gihapon ang registration atol sa race expo sa Enero 9-11 diha sa Active Zone sa Ayala Center-Cebu.
 Gawas sa mga elite Pinoy runners, modagsa usab ang mga international marathoners gikan sa United States, Malaysia, Singapore, Australia, Germany, Norway, Sweden, Canada, Japan, France, Chinese-Taipei, Hong Kong, Kenya, Saudi Arabia ug Afghanistan.
 Mokabat sa kapin sa P400,000 ang giandam nga ganti alang sa mga  top finishers sa lumba. Ang mokampiyon sa 42K men’s ug women’s open makadawat og P60,000 matag usa, samtang  sa 21K ang maghari makadawat og P20,000 matag usa, samtang sa 5K category, ang manghawod makaangkon og P5,000 matag usa.
 Ang tanang finishers  sa 42K marathon makaangkon og  "puso"-shaped medal.