Modaug kuno gihapon si Mike Rama

Pangagpas kini ni Josephus Jimenez sa iyang column sa The Freeman. Of course, dili motuo niini sila si Mayor Raymond Garcia, Nestor Archival, ug ubang kandidato pagka-Cebu City Mayor. 

Unang rason ni Josephus nga ang kampo ni Mike, solid, intact, passionate o adunay pagbati samtang ang mga kaatbang nagkatibulaag, fragmented, nagkatuwagi ang mga isyo; usahay magdinautay among themselves.

Lig-on kini nga allegations, ug nakabintaha niini si Mike, tungod kay ang posible nga mahitabo, mabahin-bahin ang votes sa mga kaatbang sa ‘suspended’ ug ‘dismissed’ mayor. 

Padayon ni Josephus, nga ang pag-suspenso ug pag-dismiss ni Mike, maisip nga usa ka political bullying, pagpanggukod politikanhon ug kini, “has made Rama the underdog, the darling of the masses who love underdogs and innocent victims of high-handed political bullying.”

Dugang pa, si Mike wala akusahi papangawat sa salapi sa lungsod, kundili, “he was persecuted because he merely signed the renewal of a non-permanent appointment of his wife's brother to a minor post.”

Kining mga pangagpas ni Josephus, normal kini, nga kon hain mahimutang ang iyang kasingkasng, atua usab ang mga pagdayeg. Ang tibuok lineup sa Team Rama, iyang giisa ngadto sa langit, samtang napuno sa mga pagdaot ang mga kaatbang. This is normal. Maghuwat na lang kita sa resulta sa eleksiyon, kay ang haring lungsod maoy ultimate nga maghuhokom.

* * *

Headline sa The Freeman: “City Hall to abolish ‘redundant’ offices.” Nindot ni, dugay na man kining gipaabot, kay adunay mga buhatan sa City Hall nga nagsapaw-sapaw ang mga katungdanan. Mga napulo niini nga giisip nga ‘redundant’ ang lagmit ma-abolished, pagpakunhod sa empleyado sa city hall, subay sa rightsizing program sa City Hall.

Matud ni Henry Tomalabcad, Cebu City government's Resource Development Office (HRDO), usahon o i-merge ang mga buhatan nga nagsapaw ang mga katungdanan.

Subay niini, ma-regular na ang pipila ka empleyado ug maka-fill-up na sa mga bakanting plantilla positions. 

Hinumdoman nga gi-introduced kining maong programa panahon sa administration ni Rama, pag-reduce sa gidaghanon sa mga empleyado sa City Hall to 300, after which, wala na kitay kasayoran unsay nahitabo niini, apan, sa paglingkod ni Garcia pagka-vice mayor, iya kining gipadayon, hangtud na sa iyang pagka-mayor.

Among those affected by the merger naglakip sa Cultural and Historical Sector, with the City Cultural and Historical Affairs Commission, ang Cultural and Historical Affairs Office, Fort San Pedro, Visayan Film, ug Public Library.

Gilaraw usab ang pag-merge sa mga environmental-related offices, sama sa Cebu City Environment and Natural Resources Office, Cebu Environmental Sanitation and Enforcement Team, Coastal Management Board, Eco Parks, Parks and Playgrounds, ug Task Force Gubat sa Baha.

Wala na ang opisina sa Registry of Deeds, kay ang mga functions niini, gi-handle man sa lalawigan.

Gipaningkamotan nga dili kaayo daghan ang mawad-an og trabaho ubos niining rightsizing program. Nga kon duna man, I think, those deserving will be properly compensated, ug katabangan pagpangita’g trabaho sa ubang government ug sa private sector.

By the way, hinaut mahinayon kining laraw pag-PPP (Private-Perhaps Partnership) sa upat ka mini dams sa upland areas sa dakbayan, aron makapahuway na kita gikan sa paglunop.