Gusto nang gamiton sa tag-iya ang yuta nga giabangan

Dear Atty. Divine,

Naa koy pangutana atty., ang titulo sa yuta sa akong lola kay nakapangalan pa sa Province of Cebu peru naa na siya’y certificate of award nga nag certify nga ang akung lola has complied with all requirements as beneficiary of the Cebu Provincial government’s socialized housing program. Naa na siyay declaration of real property ug transfer certificate of title gikan sa Province of Cebu. Karun naay nag-abang 14 years na, naa ba koy katungod nga mupapahawa nila atty. kay gamiton na nako ang yuta, tapos wala ko gapuyo dinha atty. Daghang salamat. -- Chris John

Dear Chris John,

Kun aduna nay transfer certificate of title ang imong lola sa maong property then siya na gyud ang tag-iya niini. Kun adunay Contract of Lease nga gipirmahan ang imong lola ug ang nag-abang sa yuta then tan-awon nimo kun kanus-a kini mo end ang contract. Kun wala silay gipirmahan nga lease contract then ang term sa kontrata mo end month to month so mamahimo gyud sila nga papahawaon. Kun buhi pa ang imong lola mas maayo nga iyang sulti-an ang nag-abang nga mangita na sila og kabalhinan kay gamiton na niya ang property. Mamahimo sab nga ikaw ang mosulti sa nag-abang basta naa kay authority gikan sa imong lola. Tungod kay dugay na sila nga nag-abang sa property, mas maayo nga hatagan nimo sila  og igong panahon like 2 to 3 months sa pagpangita og kabalhinan. Dili man makabuot ang nag-abang kun gamiton na sa tag-iya ang property whether mopuyo siya niini or dili. Thank you and God bless. -- Atty. Divine

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.