Nakigrelasyon og laing babaye ang kapuyo

Dear Atty. Divine,

Naa koy longtime partner nga foreigner.Nag live-in mi sud na sa siyam ka tuig apan wa mi anak ug di sab mi kasal kay wa man siya mag propose kay mas gusto niya  nga live-in lang mi. Karon akong nabantayan nga naa siyay ka chat ug sa sige nako og paniid nakahigayon ko og basa  sa mga messages sa iyang phone uban sa iyang babaye. Confirm gyud nga naa silay relasyon apan ang  problema  kay minyo ang babaye  ug daghan og mga anak. Nasakitan kaayo ko sa gibuhat sa akong partner kay ako biyay nag-atiman niya sud sa siyam ka tuig ilabi na kun magkasakit siya. Apan ako lang gyud nga gi-antos ang kasakit ug padayon gihapon ko nga nag-atiman niya. Ang akong pangutana kun unsay angayan nako nga buhaton? Daghang salamat.

Eve

* * *

Dear Eve,

Legally speaking, wa gyud kay mahimo sa iyang pagpakigrelasyon og laing babaye kay  di man mo kasal. Kun nasakitan ka sa iyang gibuhat sultii siya and you decide kun imo pa bang  ipadayon ang imong relasyon kaniya.  Kun wa siyay plano nga pakaslan ka, unsa may imong mapaabot niya. Ikaw nag-atiman niya apan tungod kay di mo kasal kun dunay mahitabo kaniya wa  gyud kay ma-inherit niya gawas lang kun mo-execute siya og Last Will nga ikaw maoy iyang hatagan whatever properties nga iyang gipanag-iya. Busa mas maayo nga imong timbang timbangon ang imong sitwasyon then you decide. Kun minyo iyang karelasyon karon then problema na na niya kung mahibaw-an sila sa bana sa babaye kay mamahimo gyud silang makiha. Thanks and God bless.

Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.