Gibaligya sa amahan ang yuta nga wa magpahibawo

Dear Atty. Divine,

Ang akong papa dunay bahin nga yuta nga 100 square meters ang gidak on. Ang 55 square meters maoy among gipuy-an so dunay bakante nga 45 square meters. Patay na ang akong papa og nagbuwag na sila sa akong mama. Apan ang akong iyaan mipakita namo og kasabutan nga pinirmahan sa akong papa nga iyang gibaligya ang 45 square meters ngadto sa akong iyaan sa presyo mga P2 mil lang. Ang akong pangutana kun pwede ba diay mabaligya ni papa ang maong luna nga di magpahibawo namo? Pwede ba nga ako nalang ulian ang akong iyaan sa iyang nabayad nga P2 mil? Daghang salamat. —Jerome

Dear Jerome,

Kun ang maong yuta sinunod sa imong papa gikan sa iyang ginikanan makonsiderar kini nga exclusive property, buot ipasabot nga imong papa ra ang tag-iya niini.  Ug tungod kay exclusive property man sa imong papa mamahimo kini niyang ibaligya nga way pagtugot  sa imong inahan ug kaninyong mga anak. Kun duna kay plano nga paliton pagbalik ang property then adto ka makigsabot sa imong iyaan kun mosugot ba siya, hangyoa lang. Mas maayo sab nga imong tan- awon ang pinirmahang dokumento kun sa imong papa ba gyud ang pirma niini aron pagsiguro kun genuine ba gyud ang maong dokumento.  Thanks and God bless.—Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi  sa akong column matag Miyerkules, Sabado ug Domingo.