Rest

Palahi una kita sa atong lindog karon. Kalabot kini sa pahuway. Niadtong niaging Biyernes dugay ko nakatulog kun wa ko masayop kaadlawon na gyud ug nakamata ko og sayo.

Pagka Sabado naglain na gyud ang akong pamati, nitaas ang akong presyon ug naglain ang akong tiyan. Hangtud karonng mga panahona luya gihapon ning kaluwasan.

Diha sa akong pag-inusara akong naamgohan kining mosunod:

1. Angkonon nako nga dili na ako batan-on. kahimamgo kini nga dunay kinutoban ang tanan.

2. Ang lawas dili bakakon motug-an gyud siya sa matuod. Pasidaan kini nga ako abusado. Iya nako nga gisingil sa tanan nakong pagkulang.

3. Ang akong kabusy nakahurot sa akong kusog labina sa kusog nga gikan sa Dios nga makuha ug masinati lamang pinaagi sa pag-ampo.

4. Matag balaitan bisan pa man kun dunay tambal ang naghambin usab og pagtulon-an. Nga sa ato pa nagkinahanglan ako og pahuway kun rest.

Ang pulong Rest kun buot hunahunaon mahimong kahimanan sa usa ka tulukibon nga pagpamalandong ug panaw sa pag-ampo.

Ato kining himoon ingon nga usa ka Acronym:

R kun Repair the damage and Restore the Strength. Gamay nga guba kun pasagdan magkadako ug magkadelikado. Alang kini sa tanang aspeto sa atong kinabuhi.

E kun Eucharist. Ang lawas ug dugo ni Kristo pagkaon nga gikinahanglan sa atong lawas ug kalag.

S kun Silence and Solitude. Dili sa tanang panahon kita magsaba saba ug maglayat layat. Gikinahanglan kitang mohilom aron atong lawas ug kalag mahiluna sa hustong disposisyon.

T kun time o panahon. nagpasabot kini og panahon alang sa Dios (pirme gyud ni) panahon sa atong kaugalingon ug panahon sa atong isigkaingon.

Nunot niini ang paggahin og panahon sa giisip natong talento ingon man ang pagpalipang sa atong giisip nga bahandi kun treasure.