Corona ug uban pa

Niabot na gyud og 35 ang kumpirmadong kaso sa Coronavirus (COVID19) dinhi sa ato ug gani  giproklamar na ni Pres. Duterte ang state of health emergency.

Dunay mga tunghaan ang gipahunong lang una ug gilikayan ang bisan unsang tapoktapok.

Mga butang ug pagpangandam nga nagdala og kalisang sa kadaghanan. Kay unsaon na lang ang mga butang nga atong nakita sa mga salida ang mamahimo na unyang buhing kamatuoran sa atong katilingbanug sa atong kilid kilid lamang. Mga tawo nga nangamatay na lang bisan asa ug mamahimong awaaw ang palibot kini tungod kay mahurot na ang mga tawo. Simbako intawon palayo!

Ning maong hitabo kita unta makaalinggat ning mosunod:

1. Una, ang naghinobrang tripping sa tawo maoy magdala og tigaw sa iyang kinabuhi mismo. Mahimong ang sakit nga kanato nihugpa kita gyud mismo ang naghimo.

1.         2. Ikaduha, ang tawo dunay dautang tuyo ngadto sa iyang isig-kaingon nga tungod niini iyang anginon ang uban tungod sa iyang kabuang. Imbis mo seclude aron sa ingon dili makahatag og kadaot ang maningkamot man nuon aron maangin ang uban. Ning maong pagpangandam.

2. Usahay dili kita abtik diha sa pagpamalandong sa mga hitabo ug timaan s atong panahon.

Wala kita nagkat-on sa mga nanglabay. Hinunoa padayon kitang hasion gumikan sa atong siging siging mga mentalidad.

3. Maayo man gyud ang pag-ampo labina kun pakapinan usab kini og pagbantay. Nga sa ato pa, dili na lang gyud nato tuyoan ang bisan unsang makadaut kanato dili ba?

Nahimong daw dili maasi-asi kining hitaboa karon.

Daghan nato ang nabalaka ug nakuyawan nga tungod niini daghan usab nato ang dili na gani maantigo pang mohunahuna sa angayan natong pagahimoon.

Ang lintunganay ning tanan mao nga daghan nato ang dili gihapon andam modawat sa buhing kamatuoran nga ang kinabuhi nato diay limitado lamang.

Hadlok man tuod ang Corona Virus apan mas labing hadlok kun wa tay himoon aron pakigbatokan kini.