Di na valid ang SPA kon patay na ang mi-execute

Dear Atty. Divine:

Duna koy napalit  nga yuta sa among probinsya. Ang nagbaligya niini mao ang igsuon sa registered owner ug duna siyay Special Power of Attorney.

Ako nang gisugdan ang pag-process  sa transfer apan akong nahibaw-an nga namatay na diay ang owner sa yuta nga akong gipalit.

Ang akong pangutana kun maka-apekto ba sa validity sa  pagbaligya sa property ang pagkamatay sa owner nga maoy nag-execute sa SPA? Daghang salamat.

John

* * *

Dear John,

Ang general rule kun namatay na ang nag- execute sa SPA mi-extinguish na usab or wa nay bili ang iyang gipirmahan nga SPA.

Apan basi sa Art. 1931 of the New Civil Code duna  kini duha ka-exception, ang una kun  wa masayud ang gihatagan og authority  sa SPA nga namatay na diay ang nag execute niini, ug ang  ikaduha kun ang third person nga gika-transact sa agent is in good faith.  Sa imo nga kaso, kun gihimo ninyo ang pagpirmahanay sa Deed of Absolute Sale after sa pagkamatay sa tag-iya  apan wa ka masayud labot sa  iyang kamatayon lakip na ang iyang igsuon nga gihatagan sa authority then magpabilin nga valid ang maong Deed of Sale. Thanks and God bless.

Atty. Divine

* * *

Alang sa inyong pangutana, ipadala lang  sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.