Patas-anay og tukog

Kun gituman pa lang sa mga sakop sa Bids and Awards Committee (BAC) sa Kapitolyo sa Sugbo ang mga lagda, dihang nagtabla ang tulo ka security agencies sa ilang gibungat nga presyo sa subasta, kalikayan unta ang kaguliyang. Nagkuha lang unta dayon sila og tulo ka tukog nga managlahi ang gitas-on ug gisabot ang tulo nga ang makahulbot sa labing taas maoy makasipong sa P37 milyones nga kontrata paghatag og kapin sa 200 ka guwardiya sa tanang buhatan sa Kapitolyo, apil nang district hospitals ug South Bus Terminal.

Gawas nga mas yano, mas makiangayon pa gyod kay sa kuwestiyonable nilang pagsubli sa gidaghanon sa mga armas, posas ug ubang kahimanan nga gitanyag sa mga kompaniya nga lapas sa gipangayo sa terms of reference (TOR) nga maoy gipasikaran sa subasta.

* * *

Siyam ka tuig sa wa pa konsultaha sa Kapitolyo sa Sugbo sa kontrobersiya sa subasta, ang Government Procurement Policy Board (GPPB) niluwat na sa Circular No. 06-2005 niadtong Agosto 5, 2005 unsay angay’ng buhaton kun magtabla ang duha o mas daghan pang nangapil sa subasta.

Si Romulo Neri, Bol-anon nga kanhi pangu sa GPPB ug kalihim sa Department of Budget and Management, nitataw nga ang mga paagi nga hingpit nga ipasikad sa suwerte, di sa pagbuot sa mga sakop sa BAC, kinahanglang ipahibawo sa BAC sa pagsugod pa lang sa proseso sa subasta.

* * *

Kabahin sa kamandoan ni Neri ug sa GPPB:

Procuring entities are hereby required to identify at the onset of the bidding process, and thereafter include in the bidding documents as instruction or a matter of information to prospective bidders, a ready and clear measure to be used in the event two or more of the bidders have been post-qualified as LCRB or HRRB. In all cases, the measure determined by the procuring entity shall be non-discretionary and non-discriminatory such that the same is based on sheer luck or chance. The procuring entity may use “draw lots” or similar methods of chance;

However, in lieu of the pre-determined criteria set and declared in the bidding documents, the procuring entity may opt to bring the concerned bidders to agree on a better selection criteria which should also be non-discretionary/non-discriminatory and is similarly based on sheer luck or chance.

* * *

Gipahibawo ba nilang Atty. Orvi Ortega ug kaubanan sa BAC sa wa pa makabuylong subasta nga pakapin sa TOR ang gamiton kun may magtabla? Wa ba kalapas sa lagda sa GPPB nga pasuwertehay ray makabuak sa tabla?

Masubli ba ni Provincial Legal Officer Ortega ang kontrobersiya nga siya may pangu sa BAC? Makatarung ba pagsusi sa transaksiyon si Gobernador Junjun Davide nga iya mang uyoan si Ortega?

* * *

[email protected]