Lain na sad diay ang spelling sa hotdog?

First, ang giusab nila’g spelling ang breakfast. Tingalig mireklamo ang ilang mga anak o mga apo, nga lahi man ang gitudlo sa ilang teacher, busa ilang gikorekan ang ilang spelling sa breakfast. Correct na: B-R-E-A-K-F-A-S-T.

Apan karong bag-o, morag ang spelling na sad sa hotdog ang ilang giusab. Ambut waa ba kaha ko masayop pagpaminaw. Morag ang akong nadunggan, ang spelling kono sa hotdog = V-I-R-G-I-N-I-A. Mao ba? Nakadungog ba sad mo ini?

Ambut ngano nga misugot man ang KBP ug DepEd ini. Way kaso sa KBP kay negosyo man ni. Additional income sa mga estasyon. Apan, ang DepEd  sugot lang sila ini? Mao sad ni ang ilang itudlo sa mga estudyante?

Anyway, ila sad ni. Waa na tay labut ini.

* **

Maayo kay waa mosugot si House Speaker Belmonte nga maghimo sad sila’g kaugalingon nga investigation sa House. Alang niya, ma-self-serving kono kun moimbestigar sila sa ilang kaugalingon. Correct.

Let the “listed” Congressmen clear themselves. After all, dili man to “final and executory” ang lista ni Napoles ug sa ubang naghupot konohay og lista. In fact, kun ako’y Senado, di na ko mo-conduct og lain pang investigation. Ipadayon na lang ang mga kaso with the Ombudsman ug sa Sandiganbayan. Diritso na.

Alang nako, di kinahanglan nga maoy basihan sa mga kaso ang lista ni Napoles, kay mora man og siya na hinoon ang prosecutor.  Ang COA ug ang NBI waa diay silay lista?

* **

At last na-approve ra gyud ang kang former Mayor Tom Osmeña nga Bus Rapid Transit (BRT) project.  Alang nako, bisa’g di ko engineer, mas practical ni for Cebu, ug mas barato kay sa ubang gisugyot nga mga mass transport system. Segurong makapaluag sa traffic. Ug ang mga PUJ di kinahanglan i-phase out, magamit gihapon sila sa mga feeder roads ug mga side streets.

Anha na lang unya ni sila mag-atang sa 33 ka BRT stations . Giingon nga maka-accommodate kini’g 300,000 ka pasahero matag adlaw. Ang nakanindot pa gyud kay mi-support niini si Mayor Mike Rama.

* **

“Ten bizarre driving laws around the world.” Ato ning nabasahan sa internet. Katingalahan, makalibog ug kataw-anan nga mga balaud sa trapiko. Ug nalakip dinhi ang Pilipinas … sa Manila. Giingon dinhi, atong kutloon: “Although some countries like Italy restrict driving access to certain zones, in Manila Philippines takes the cake for the most convoluted (makalibog) traffic law. You can’t drive in some busiest districts of Manila, depending on the day of the week and the last digit on your license plate. For example, if your plate ends with 1 or 2 you can be fined if caught driving between 7am and 7pm on a Monday.” Kasabot ka? Nakadungog ra ba ko nga dunay nagplano nga sundon ni nato dinhi sa Sugbo. Na hala!