Ang epekto sa online pornography ngadto sa kabataan

Dili dautan ang mahitungod sa pakighilawas sanglit gihimo man kita sa Dios nga nindot ug maayo. Apan sa laing bahin, ang kawalay giya mahitungod ning maong isyu ang maghimo sa atong kabataan ug sa mga hamtong nga mahisalaag sa pagsabot niini. Ang online pornography mahimong magtudlo sa atong kabataan sa:

1. Sayop nga pagsabot ug panlantaw sa sekswalidad ug sa pakighilawas.

2. Pag-aghat sa mga kabataan nga mohimo og mga malaw-ay nga panghunahuna ug mobuhat og mga malaw-ay nga mga buhat. Kay sayop man mensahe nga gipadayag sa online pornography natural lamang nga sayop ug immoral usab ang mga binuhatan nga linugdangan niini.

3. Posibilidad sa mapasagarong pagbansay sa pakighilawas bisan sa linghod pa nga panuigon.

Mahinungdanon alang sa usa ka ginikanan nga mohimo og usa ka makuting pagbantay sa kabataan labi na gyud diha sa ilang paggamit sa computers. Mas maayo nga diha sa panimalay usa lamang ang computer ug ibutang gyud kini sa dayag nga dapit sa balay aron mas mahimo ang makanunayong monitoring. Mahimong gamiton usab sa mga ginikanan ang mga internet filters sama ning mosunod: Internet Guarantee, Cyber Silter, Norton Internet Security, Integrity Online, P.C. Tattletale. Kini kay ang nagmantala nga ang pakighilawas usa ka baligya  mao nga mokalit lang kini og lugwa sa mga nagkadaiyang websites bisan pa man tingali kun ang imong anak nagtan-aw lang unta og Lord of the Rings.