Mga positibong epekto kun anaa ang aktibong pagpaminaw sa mga ginikanan

1. Makatabang sa bata aron maantigo siyang modawat sa mga negatibong pagbati sanglit ang maong mga pagbati kabahin man sa atong kinabuhi.

2. Maghatag kini og kahigayonan aron mas mapasuod pa sa ginikanan ug anak ang ilang relasyon sa usa’g-usa.

3. Makatabang aron ang bata matudloan sa pagsulbad sa iyang problema sa iyang kaugalingon lamang.

4. Matudloan ang bata nga makaumol sa arte sa pagpaminaw dili lang sa iyang ginikanan kondili usab sa uban.

5. Magdasig sa bata aron siya maghunahuna ug mamalandong sa kaugalingon ug sa mga panghitabo.

Angay hinumdoman nga ang yawe sa usa ka aktibong pagpaminaw mao man gyud ang pagdawat sa ginikanan kun unsa ang hunahuna ug gibati sa iyang anak. Bisan pa man kun kini nagpasabot og kalainan kun maghisgot na kita og mga opinyon o baruganan.