Pagpamalandong alang sa Malangkubong Kaayohan

Ikapitong hilisgutan

Mga Pahimangno Gikan sa Rituale Romanum

3. Pagpusa- Kinahanglanon kini aron mamahimong mas lig-on ang espirituhanong disposisyon sa eksorsista sanglit, ang iyang ikasangka dili man usa ka kalibutanon o pisikal nga kaaway kondili usa ka espirituhanong linalang nga nakahupot og dili katiaw-tiawan nga gahom ug kahibalo.

Alang sa dugang kahimanan sa pagpamalandong kalabot ning tulo (Pagtuo, Pagpaubos, ug Pagpusa) palihug og basa ning mosunod nga mga teksto:

a.Jn. 1;1-14

b.Mk. 16;15-18

c.Lk. 1;17-20

d.Lk. 11;14-22

6.Ang paggamit sa mga sacramental sama sa Cross of Saint Benedict, Eskapularyo ug Rosaryohan, Roman Ritual o dili ba kaha ang Book of Deliverance sama sa St. Michael’s Book of Deliverance, Relikya sa mga Santos, Agua Bendita ug uban pa ang gikinahanglang anaa gyud sa duol aron magamit dayon sa naghimo sa eksorsismo.

Pahimangno

1. Alang sa mas luwas nga paghimo sa eksorsismo kinahanglan nga gapuson ang mga kamot sa biktima ingon man ang iyang mga tiil ug palingkuron sa silya. Kinahanglanon kini aron dili peligro alang sa biktima ug sa eksorsista mismo. Mas maayo nga himoon kini uban sa grupo o pundok nga pagalangkoban sa doctor, abogado, chief exorcist, assistant exorcist, ug uban pang mga kaubanan nga makapugong sa biktima kun kini magmapintason ug motubag sa mga pag-ampo segun sa mando sa Rituale Romanum.

2. Alang sa dugang pagtuon ug alang sa legal nga konsiderasyon kinahanglang idokumento ang exorcism session/deliverance session pinaagi sa usa ka video coverage nga pagadumalahon sa exorcism team mismo. Hinuon alang kini sa personal nga kagamitan ug dili maayong isabwag o imantala sa kadaghanan agi’g pagpanalipod usab sa pagkatawo sa biktima.

3. Ug sa katapusan, kinahanglang dunay written permission o faculty nga pangayoon gikan sa Local Ordinary sa dili pa pagahimoon ang Solemneng Ritwal sa Eksorsismo. -- Sumpayan pa