^

Banat Kalingawan

Kontrolado sa uyab

Banat

Dear Tito Miguel ,

Ako diay si NJ, taga Consolacion, Cebu. Taod-taod nami nga nag-ipon og puyo sa akong girlfriend nga si  Niña. Akong problema ani niya, kontrolon niya kanunay ang tanan nako nga lihok.  Kun molakaw ko, halos taga oras, sige og pangutana kun nag-unsa ko. Kun molaag ko  with friends, gusto niya nga mag-video call mi, bahala'g wala mi istoryahan. Laktod pagka-istorya, wala siya'y salig nako. Nagtuo siya nga naa koy laing babaye nga giibid-ibiran. Gikapoy na gyud ko, lami na kaayo buwagan, unsa ang angayan  nakong buhaton? — NJ

* * *

NJ,

Dili mo para sa usa’g-usa. Gusto niya kontrolado ka niya, apan ikaw magkisi-kisi. Dunay mga lalaki ganahan kontrolahon, sunod-sunoron. Mura sila’g gipanag-iya. Mao nay ilang sukod sa gugma. Apan dili ni ikaw. Ang imong uyab control freak. Gawas nga wala’y salig kanimo, kinahanglan nimo sundon iyang gusto. Mao sad ni iyang barometro. Kun dili ka mosunod niya, wala nimo siya higugmaa.

Lisod, dili haom inyong pagkatawo. Busa istoryaha sa imong gibati ug gusto mahitabo. Ingna nga kun wala siya’y salig kanimo, dili molambo inyong relasyon, sige ka niya birahon. Pangutan-a, ngano siya pilit kanimo nga dili man kaha ka kasaligan? Tabla ra nga kuyog gihapon siya’g tawo nga sige’g pangawat niya. Ang tinuod gusto lang siya makasiguro nga ikaw iyang kontrolado. Duna siya’y kahadlok mag-inusara. Dili lang ni hisgotanan sa babaye, hasta sa imong mga barkada nga lalaki. Dili ka palaagon, kinahanglan naa ra ka sa iyang kiliran. Ikaw ra iyang kalibotan. Ingna dili lang ka niya uyab. Anak sab ka sa imong mga ginikanan, igsoon sa imong mga manghod o maguwang ug higala sa uban. Apan iyang gusto uyab lang ka niya, wala na’y lain pa.

  Klaroha, dili ni ikaw. Kun dili siya matagbaw, maayo pa inyong relasyon mahanaw. Posible mopasalig mag-usab, apan igo ra na magpugong. Mogawas gihapon ang tinuod nga taras. Lisod usbon ang natural. Hatagi’g usa pa ka higayon. Kun usbon ug dili na ka kaagwanta, biya na samtang sayo pa. Ingna duna’y laing lalaki alang niya. —Tito Miguel

Magpatambag ka? Ipada kang Tito Miguel: 0991-318-9366

vuukle comment

TITO MIGUEL

Philstar
x
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with