EDITORYAL - Way pang-atbang sa taktika sa China

Mura og nahimong kataw-anan ang gobiyerno ug ang mga opisyales niini sa pagdumala sa sitwasyon sa West Philippine Sea. Mura og ‘over prepared’ sila apan diay dili magamit batok sa mga taktika ug estratehiya sa China didto.

Dili sab masandigan ang Mutual Defense Treaty sa Pilipinas ug sa Amerika kay gamiton lang kini kun armadong atakihon og laing nasud, apil ang mga barko ug abyon sa duha. Obligado ang duha nga molaban sa usa’g-usa.  Ang mga taktika sa China nga gitawag og “grey zone tactic” mao ang pagdasmag, pagpamomba og tubig, paggamit og bunal, sundang, kutsilyo, pagbitad sa mga barko sa Pilipinas palayo aron didto gub-on ug kawaton ang mga gamit ug uban pang binuhatan sama sa usa ka pirata.

Kini nga taktika, kuwang-kuwang aron matawag nga “armed attack” nga makapugos paggamit sa MDT.

Kining taktika sa China mao sab ilang gigamit batok sa India sa Kashmir region. Ang armas nga bitbit sa mga sundalong Pilipino dili pwedeng gamiton kay naglikay nga maoy mapasanginlang maoy nanguna pagpamusil.

Tanang insulto gidawat sa mga sundalong Pilipino didto. Sila mao ang nagdala sa Bandila sa Pilipinas apan mura lang sila og giduwa-duwaan sa mga Chinese.

Way kwestyon sa propesyonalismo ug disiplina ang tropa Pilipino didto, apan unta ang taktika ug estratehiya nila maoy angay usbon. Estratehiyang kayang atbangan ang gipangbuhat sa China.

Karon, ang Malacañang miingon nga dili matawag nga ‘act of war’ ang gibuhat sa China aron moepekto ang MDT niadtong Hunyo 17, 2024 diin walo ka sundalong Pilipino ang naangol ug usa nila ang naputlan og tudlo.

Sila mismo sab namahayag nga “misunderstanding” ra ang nahitabo kay wala gianunsyo ngadto sa publiko ang bahin sa maong resupply mission sa BRP Sierra Madre sa Ayungin Shoal.

Kun ipublikar ang resupply mission, dili na ba kaha manghilabot ang China? Tabla ra man kining pag-anunsyo sa Pilipinas bahin sa resupply mission, apil ang China sa gipananghiran.

               Pagkatinuod, wa pa buhata sa Pilipinas ang tanan, tanang pamaagi pagpakgang sa taktika sa China.

EDITORYAL - Way pang-atbang sa taktika sa China

Mura og nahimong kataw-anan ang gobiyerno ug ang mga opisyales niini sa pagdumala sa sitwasyon sa West Philippine Sea. Mura og ‘over prepared’ sila apan diay dili magamit batok sa mga taktika ug estratehiya sa China didto.

Dili sab masandigan ang Mutual Defense Treaty sa Pilipinas ug sa Amerika kay gamiton lang kini kun armadong atakihon og laing nasud, apil ang mga barko ug abyon sa duha. Obligado ang duha nga molaban sa usa’g-usa.  Ang mga taktika sa China nga gitawag og “grey zone tactic” mao ang pagdasmag, pagpamomba og tubig, paggamit og bunal, sundang, kutsilyo, pagbitad sa mga barko sa Pilipinas palayo aron didto gub-on ug kawaton ang mga gamit ug uban pang binuhatan sama sa usa ka pirata.

Kini nga taktika, kuwang-kuwang aron matawag nga “armed attack” nga makapugos paggamit sa MDT.

Kining taktika sa China mao sab ilang gigamit batok sa India sa Kashmir region. Ang armas nga bitbit sa mga sundalong Pilipino dili pwedeng gamiton kay naglikay nga maoy mapasanginlang maoy nanguna pagpamusil.

Tanang insulto gidawat sa mga sundalong Pilipino didto. Sila mao ang nagdala sa Bandila sa Pilipinas apan mura lang sila og giduwa-duwaan sa mga Chinese.

Way kwestyon sa propesyonalismo ug disiplina ang tropa Pilipino didto, apan unta ang taktika ug estratehiya nila maoy angay usbon. Estratehiyang kayang atbangan ang gipangbuhat sa China.

Karon, ang Malacañang miingon nga dili matawag nga ‘act of war’ ang gibuhat sa China aron moepekto ang MDT niadtong Hunyo 17, 2024 diin walo ka sundalong Pilipino ang naangol ug usa nila ang naputlan og tudlo.

Sila mismo sab namahayag nga “misunderstanding” ra ang nahitabo kay wala gianunsyo ngadto sa publiko ang bahin sa maong resupply mission sa BRP Sierra Madre sa Ayungin Shoal.

Kun ipublikar ang resupply mission, dili na ba kaha manghilabot ang China? Tabla ra man kining pag-anunsyo sa Pilipinas bahin sa resupply mission, apil ang China sa gipananghiran.

Pagkatinuod, wa pa buhata sa Pilipinas ang tanan, tanang pamaagi pagpakgang sa taktika sa China.