Kinsay angayang mopirma sa Deed of Absolute sale

Dear Atty. Divina,

Aduna koy gipalit nga yuta ug akong gi-installment sa pagbayad. Ang nagbaligya niini, mao ang anak apan buhi pa ang iyang mga ginikanan.

Matud sa anak nga gibahin-bahin na daan ngadto kanila ang yuta sa ilang parents apan ang title ug ang tax declaration nakapangan pa sa mga ginikanan ug wa pa kini mabalhin sa anak nga maoy akong gipalitan.

Karon nga na fully paid na nako ang maong property, kinsa ang dapat mopirma sa Deed of Absolute Sale, ang anak o ang mga ginikanan?  Daghang slamat.

Roland

* * *

Dear Roland,

Kun ang property, nakapangan pa sa mga ginikanan, ang ginikanan maoy mopirma sa Deed of Absolute sale kay sila pa man ang registered owner sa property.

Apan magpapirma sab ikaw og separate nga Deed of Absolute Sale nga imong papirmahan sa anak isip proof nga imong napalit ang iyang share. Apan kun imo nang i-process ang pag-transfer sa property ngadto sa imong pangan, ang Deed of Absolute Sale nga gipirmahan sa mga ginikanan mao ang imong gamiton sa imong transaction sa BIR, sa Assessors Office og sa Register of Deeds. Thank you and Merry Christmas!

Atty. Divine

* * *

Alang sa inyong pangutana palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.