Human rights violators, Kongreso numero uno

Makapanglimbawot sa balhibo kining makalilisang situwasiyon karon nga gipakita sa mga itoy ni House Speaker Martin Romualdez diha sa Ubos Balay-Balauranan sa atong nasud, kinsa ning pagpamunoan ni Presidente Bongbong Marcos Jr. (PBBM) mihimo na niining usa ka Balay-Prisohanan sa mga tawong ilang gipang-imbitar isip resource person, kinsa bisag mitug-an na sa tinuod dili g'yud sila motuo ug pugson gyod sa pagpatubag og “Yes, or No’, diin bisan ‘Yes or No’ ang itubag, ila gihapong ipalutaw nga namakak kini aron maoy basehan nga ipa-cite in contempt.

Dili pa dugay, ang Office of the Vice President (OVP) Chief of Staff Atty. Zuleika Lopez mitambong og Quad com hearing nga nagtuki bahin sa walay kamatayong 2022 OVP P125M Confidential Funds bisan dili na unta kini angay hilabtan pagkangalan nga hagbay ra kining natubag sa OVP ug ni Vice President Sara ‘Inday’ Z. Duterte.

Gipapanumpa si Atty. Lopez sa Kongreso, nga kinahanglan tanan niyang isulti-tug-an pulos tinuod ug walay lain, lunlon katinuod ra gayod sa wala pa siya sugdi pagkuniskunis og mga pangutana sa mga humahambat iro sa Kongreso. 

Hinungdan, gituman ni Atty. Lopez ang unsay iyang gipanumpaan. Tanang sukna sa mga kongresista kanunay niyang gitubag sa labihang kaligdong-katinuod. Diin nakita, unsa ka organisado ang OVP kon division of labor na maoy hisgotan? Sanglit lahi sa ubang department heads, si Inday sa iyang pagka Department of Education secretary, dili bossy-type ug dili manghilabot sa iyaiyang responsibilidad nga nahuptan sa iyang mga sakop.

Butang nga dili makatuo ang Quadcom, kinsa nagdudang namakak ang abogada, busa gipiit nila kinig maayo aron maoy molugwa gikan sa baba ang tinuod. Diin, bisan giunsa nilag puga, puro katinuod sa pagpamahayag maoy migawas.

Ug kay wala man mahisubay sa ilang gusto ang tinubagan ni Atty. Lopez, gipa-cite in contempt dayon sa convicted human trafficking-kidnapping Macabayan Bloc Rep. France Castro ang multi-awarded best public servant nga abogada, kinsa giatake sa sakit, nagsukasuka ug nakuyapan sulod sa detention cell gumikan sa gihimo sa Quadcom, nga very unjust-unfair ug inhuman kaayo.

Mao nga kon ang Commission on Human Rights abtik kaayong mogukod og human rights violators, na’ay ang Kongreso maoy numero uno. Hala, gukda-ipapriso!